音樂遊戲來來去去都係跟住節奏打，不過去到NDS又每每給人驚喜，繼《勁舞團2》之後，7月尾又有隻考驗玩家反應嘅《太鼓之達人DS》！《太鼓之達人》系列一向都係以打鼓為主，今次走上NDS，特別係會利用TouchScreen，將下芒當鼓咁打！購買遊戲會見到跟兩支主角阿咚同阿喀造型嘅「鼓棒筆」，透過兩支筆點擊下芒來模擬打鼓動作，玩法真係勁過癮！
同《勁舞團2》一樣，當然要有啲難度先夠耐玩，當出現紅色音符時就要點擊鼓面，藍色就要打鼓邊，都幾考玩家即時反應㗎！而NDS版亦加入替主角轉換外表，可打出造型替佢更換，另外唔少得無線對戰功能，一盒帶就可分享4部NDS一齊玩，幾個朋友圍埋打鼓夠晒熱鬧！
記者：許福合
官方網站： http://namco-ch.net/taiko_nds/index.php