華置賣盤暫時冇乜新消息，但華置大股東劉鑾雄位公子劉鳴煒最近有喜慶事。內地傳媒報道，劉鑾雄父子最近到北京大學訪問，仲捐咗5000萬畀北大，用嚟支持北大嘅教學同科研。 唔知係咪為表謝意，北大前日頒咗個名譽校董嘅銜頭畀劉鳴煒，劉鳴煒今年只得27歲，咁就做咗北大歷史上最年輕嘅名譽校董。 細細劉前日到北大參加授予儀式時話，回顧過去十年，香港人都十分感激中央政府同內地各界對香港嘅無私支持，作為香港年輕一代，應該以實際行動回饋祖國。咁識講嘢，完全有乃父之風。