中國傳動（658）昨日掛牌，急升98%，成為今年新股王。據《香港討論區》調查顯示，58%網友表示會長揸此股，23%網友已即日掃貨，19%人則擔心其升幅過急，選擇沽貨離場。
網友nonbeing話：「佢升得太誇啦，完全係炒作所致，如果股價一跌，就好似水銀瀉地，隨時血本無歸。」
23%即日掃貨 19%沽貨
Opiece同意咁話：「佢市盈率已經炒到近100倍，風險實在太高，不宜高追。」SunlineHK更稱：「雖然佢係行業龍頭，但行業規模唔算大，股價升到14元，已經唔係太值。」
不過，仍有不少網友對中國傳動充滿信心，認為可作長線投資。網友simoncc06表示：「佢概念獨特，競爭又唔大，中長線起碼可以升到30元。」ivan07贊成咁話：「市場上既無同類型嘅中資股，國際配售超額又咁多，基金經理定必求貨若渴，所以先炒起股價。」yuyu5354亦笑言：「佢隨時可以變成株州南車嘅（3898）翻版，長揸嘅話，更希望佢會變成第2隻中移動（941）！」