上個月因為大爆老婆李賽鳳醜聞而聲名大噪嘅羅啓仁，噚日向傳媒發咗三封公開信。喺寫畀李賽鳳嘅公開信中，羅啓仁大鬧李賽鳳係歷史上最惡心嘅壞人，話佢用太多無恥手段，想辦法喺佢同公司中攞到更多，羅啓仁又出到詛咒呢招。
「上帝要你賠罪」
羅啓仁話：「你現在已無法挽回對羅氏公司、對汪小莉和對我本人造成的傷害，我相信上帝都會令你賠償你的罪，無論生前還是死後。」
至於羅啓仁寫畀傳媒嘅公開信，就話李賽鳳曾經喺佢度偷走啲相，後來發咗畀傳媒（指佢同汪小莉合照），又話汪小莉係李賽鳳同契仔宗天意事件嘅目擊證人之一，所以李賽鳳想誣衊佢。而以羅氏國際演藝公司全體演員寫畀李賽鳳嘅信中，話佢契仔宗天意成日將佢哋兩個之間嘅事四圍同人講，希望李賽鳳清醒啲。
羅啓仁又話以後唔會再回答李賽鳳嘅事，專心投入工作，出年仲會喺香港公演《大唐貴妃》音樂劇，另外又籌備緊新劇《美猴王》。
