馮德倫噚日喺電視城擔任《殘酷一叮》特別版嘅翻叮嘉賓，點知俾人玩埋一份！事緣參賽者鄭盈盈自稱翻版開心果，佢喺台上又唱又跳又剝衫，見到馮德倫仲開心到話好急尿，之後仲要喺馮德倫身上表演拱橋，肥妹笑到停唔到，最慘係馮德倫驚到遮住塊面，佢話：「最怕佢一嘢插落我度！做嘉賓真係慘，好似焗住俾人玩。」