昨日在沙田馬場舉行的煞科日，也是香港特區十周年紀念賽馬日。食足一季白果的鄺美雲，愛駒「甜蜜福星」昨日跑贏過氣名媛李洪芷晴丈夫李家松的「幸運勝」，美人終成功食尾糊拉頭馬，有18萬落袋。
今個馬季最後一次賽馬日昨日在沙田舉行，吸引不少馬主和馬迷入場。鄺美雲（Cally）一身珠光寶氣，藍裙白外套配手上一顆巨型珍珠戒指，問她對出賽愛駒「甜蜜福星」有沒有信心時，多次食白果的她只是淡然說：「我入嚟玩吓，有少少信心，冇所謂。」
之前Cally與台灣富商郭台銘傳出緋聞，她昨日一聽對方的名字就發𤷪𤺧說：「我同佢唔熟，唔好問我，總之唔關我事！」到第五場賽事時，Cally與一眾親友全程為愛駒打氣，當「甜蜜福星」成功跑贏李家松旗下的「幸運勝」，率先衝過終點時，Cally忍不住振臂歡呼，笑到見牙唔見眼，拉頭馬時更大擺V字勝利手勢，在場不少馬迷也舉起手機拍攝Cally。
「係最弗一次」
「甜蜜福星」大熱勝出，獨贏只得40.5元，Cally獲得18萬獎金，不過一向富泰的她，應該享受光榮多過獎金。事後Cally仍難掩興奮心情，她說：「我冇投注自己隻馬，不過我賽前都信心十足，因為今次見隻馬臨場狀態係最弗一次。」她大讚愛駒力拚到底，相當抵錫，她更說：「我覺得佢絕對唔係水馬，我有信心來季佢更加成熟，可以上到三班。」
寇鴻萍回本
此外，寇鴻萍與梁廷鏘的「衝鋒槍」，因今季內勝出192萬多獎金，獲頒「香港國際馬匹拍賣特別獎金」的100萬獎金，寇鴻萍開心說：「今次最開心係不勞而獲，今日唔使出賽就有錢攞，隻馬買咗200萬，已經回本，今日仲有bonus！」
採訪：GeneNg
攝影：Rickylp
