胡琳前晚喺灣仔伊利沙伯體育館，出席灣仔區慶祝回歸綜合晚會，胡琳着咗一條tubedress亮相，可能條裙太鬆係咁跣，佢喺表演嘅時候不時拉高條裙，事後佢話着呢條裙係希望做出《滿城盡帶黃金甲》內鞏俐嘅谷胸效果，問佢驚唔驚甩裙？佢話：「自己特登買細一個碼，我知件衫跣跣哋，所以好本能咁拉起佢，如果佢甩，我一定會背住觀眾去整。」