前日本國腳中場三浦淳宏同神戶勝利船鬧翻之後，日內會過檔過氣球星集散地兼𠵱家喺日職聯包尾嘅FC橫濱，有機會同舊隊友三浦知良並肩。比起三浦知良、山口素弘同埋小村德男等一枝花球星，將於本月24日滿33歲嘅三浦淳宏後生得多，但佢今季養傷多過比賽，加上份人都幾麻煩，FC橫濱簽佢，隨時弊過於利。