唔同嘅散戶，有唔同嘅炒股方法，其中一個最多人用嘅係「一籃子」炒法，將雞蛋放喺唔同嘅籃度，就算跌爛咗其中幾個，都唔會一鋪清袋，仲有機會翻身。
揀中隻好 賺得更多
網友梁祝就有另一番睇法，「大市好嘅時候，當然容易搵到『一籃子』嘅靚菜，但當個市差，可能成籃菜只得一棵係好嘅，散戶不如集中資金，只買幾隻優質股，抗跌力強，反彈又快。」佢有個朋友就不斷重複炒同一隻股，成為一班朋友當中，炒股賺得最多嗰個。
網友遊客好有同感，「雖然炒股冇話邊個方法會贏梗，但呢個方法都不失為一個幾好嘅贏錢策略。」3樓遊客亦同意：「只買一隻好股，就好似只揀一個好老公或好老婆咁，一世幸福。」
股價回落 就當放假
殺莊話：「咁我一定要搵個好老婆（好股），不斷反覆咁愛佢，雖然佢有時會放假唔理我（股價橫行或回落），咁咪畀自己放假唞唞囉！」
11樓遊客亦認為：「應該將資金集中喺幾隻精選優質股票上面，咁樣先至會有更好嘅回報；何況抗跌力強啲，即使坐艇，亦會係最快反彈嗰批。」
不過，網友古海就有啲保留，「佢令到投資組合比較局限，冇咁多元化，始終風險唔低。」
http://post.cnfol.com/thread/363730.html
報料站
歡迎提供網上財經趣聞，資料一經採用，酬100元。請附姓名、電話及電郵地址，交[email protected]