【本報訊】「三年前同啲Friend去Disco玩，學人索吓K，結果上咗癮，𠵱家醫生話我患咗精神病，即係你哋話嘅思覺失調。」年僅17歲的中學生「阿B」（化名），昨天以過來人的身份向記者講述自己的吸毒經歷。
幾年前，RaveParty盛行時期，阿B仍是一名小學生，根本搞不懂甚麼是K仔、搖頭丸和冰，但三年前隨友人踏足旺角一家Disco試過毒品後，便泥足深陷，不能自拔。
「最勁嘅時候，要溝埋K仔同搖頭丸一齊食先至夠喉。」去年7月，13歲女童卓慧妍在旺角一間Disco索K斃命，但並沒有嚇窒阿B這類索K少年，他在Disco、公園、甚至大廈梯間瘋狂索K。用他的話說「最後黐咗線」。
輔導阿B的社工對於沉寂多年的RaveParty再度興起感到驚訝，他說，「五、六年前，啲RaveParty俾差人掃到死晒，導致油尖旺嘅Disco興起，跟住警方引用酒牌條例封殺Disco，RaveParty又死灰復燃。」
「狂野派對恐成毒品飯堂」
該社工說，RaveParty過往是中產人士、明星藝人的蒲點，但如今「有K仔就會有𡃁仔去。」他擔心再度興起的RaveParty會成為青少年的毒品飯堂。
10多年前在全球興起的RaveParty，因充斥毒品而成為各國警方的掃蕩目標，當中包括舉世知名的泰國帕岸島（KohPhangan）FullmoonParty，以及近兩年在北京萬里長城舉行、成為國內轟動話題的「搖頭撒尿」RaveParty。