【本報訊】「我要民主！我要普選！」是遊行人士昨日最常叫喊的口號。他們均希望行政長官曾蔭權要不落實普選，要不負荊下台。79歲的蘇伯說，若果沒有普選，曾蔭權的特首地位名存實亡，「如果唔改變選舉制度，成個班子只可以做傀儡，咁不如下台。」
「淨係聽中央講嘢」
大學生張小姐希望曾蔭權了解市民的民主訴求，並向中央如實反映。她希望08年就有普選，「我哋爭取咗10年喇，再拖就會丟淡咗，曾蔭權就更加唔會理。其實，我覺得普選機會好渺茫，咁先要企出嚟爭取，迫佢面對我哋嘅訴求。」任職教師的譚先生則指，希望曾蔭權信守參選時許下「放下身段」的承諾，聆聽大眾的普選訴求。
偕兩名兒子上街的何太期望10年內實現普選，「做特首唔好淨係同上面打工，係要有使命，幫唔同階層嘅人發聲。」黎先生自89民運起，每年均上街爭民主，昨日更帶同三名子女上街，希望把使命傳給下一代，「局長淨係識得拍馬屁，曾蔭權又淨係聽中央講嘢，個心都冇諗住回應普選訴求，應該下台。」
泛民主派昨日派發「撐你玩鋪勁」民主債券明信片，並印上2012年的兌現限期，背面寫上「你過去對雙普選所做出的種種承諾，本人銘記在心，決定『撐你玩鋪勁』。希望你可以在任期之內，落實基本法對雙普選的承諾。」