近日氣溫不斷上升，經常都突破三十度大關。每次出門精心打扮，化個夏日靚妝，以為可以靚靚咁吸引身邊男士的目光，點知被太陽曬幾曬，成塊面油𣲷𣲷之餘，個靚妝即時溶晒變醜八怪！為咗找出最有效的控油方法，最直接就係喺街頭問吓一眾美少女，有靚靚人辦畀貼士，可信性都高好多啦！
記者：黎笑英
攝影：陳盛臣
今次喺街頭訪問了數十位美少女，原來大家都不約而同有招至醒控油法，就係勤洗面。好多人以為控油就是將面上的油份洗亁淨，忽略之後的保濕功夫，結果肌膚因為缺水，反而分泌更多油脂去保護皮膚，變得越來越油膩，所以洗面後記得要塗保濕產品，做到水油平衡才是控油之道！
Kathy
年齡：19
皮膚性質：中性
對付油光方法：保濕
使用產品：Olay潔面產品及乳霜
用後評價：好用！用後覺得毛孔收細咗！
Yuki
年齡：18
皮膚性質：中性
對付油光方法：保濕
使用產品：中國護膚品品牌李醫生
用後評價：雖然係大陸牌子，但覺得好用，仲用晒成條Line嘅產品㖭！
兩位可愛美少女，年紀輕輕正處於青春期暗瘡爆發階段，但佢哋嘅皮膚紅潤有光澤，望落清爽亁淨，一早已懂得護膚之道！
Nana卸妝要徹底
年齡：不透露
皮膚性質：偏油性
對付油光方法：徹底卸妝＋洗面
使用產品：Chanel淨顏卸妝露
高高瘦瘦的混血美女，面上幾乎見不到毛孔，皮膚狀態一流！
Carol三管齊下
年齡：不透露
皮膚性質：亁性
對付油光方法：面油紙＋洗面＋保濕
使用產品：Laneige保濕系列
面上確實有少許缺水現象，應再加緊為皮膚補水，情況再繼續會現細紋，咁就較難補救喇！
Elaine勤洗面
年齡：21
皮膚性質：T-zone位較油
對付油光方法：面油紙＋勤洗面
使用產品：Shiseido面油紙＋Biotherm活泉水系列
用後評價：兩種產品都唔錯，用後唔會覺得皮膚「掹掹緊」！
Elaine皮膚很細緻，見到佢已知係靚膚人辦！
Hazel最緊要保濕
年齡：不透露
皮膚性質：偏油性
對付油光方法：洗面＋保濕
使用產品：雪肌精洗面粉＋Clinique特效爽膚露
很友善的Hazel，是一名膚色黝黑的黑珍珠，皮膚並冇因曬過而出現缺水情況！
Sophia茶樹油洗面
年齡：24
皮膚性質：偏油性
對付油光方法：洗面
使用產品：TheBodyShop茶樹油洗面液
用後評價：見到廣告吸引咪買嚟試，效果都幾好！
皮膚無瑕疵，不施脂粉依然動人！
Olivia用Dove洗面乳霜
年齡：22
皮膚性質：中性
對付油光方法：面油紙＋洗面
使用產品：日本買嘅Dove潔面乳霜
用後評價：很清爽！
在眾多受訪者中，Olivia嘅皮膚最細緻，有人辦睇，一於飛去日本掃番啲Dove潔面乳霜先！
醫生貼士 拍亁粉除油光
皮膚科醫生林思允更教大家一些控油貼士，首先記住化妝前塗上控油乳液。當皮膚出油時應用吸油紙輕輕印面，之後可再拍上亁粉補妝及吸油。如果都係覺得塊面好油，可以考慮採用醫學美容治療如醫學換膚等。若情況嚴重的話，可服用低劑量的維他命A酸（Isotretinoin）來減低皮脂腺分泌。不過進行各種醫學治療前必須徵求註冊醫生意見，以免美容美出禍！
精選產品
洗面產品：Chanel淨顏卸妝露
受訪者Nana就是用呢隻卸妝露，呈凝膠狀，含紫羅蘭與百合的精華，可深層潔淨肌膚，最適合喜歡卸妝同時潔面的女士！
ShiseidoPurifyingCleansingFoam
找來Stephy擔任代言人，成為近期熱賣系列。含粉紅淨化微粒，能清除老化角質層，徹底卸除化妝，用後感到清爽舒適。
爽膚水：IPSAMetabolizerEX3
更生活化緊膚液
含高效活性緊膚分子促進細胞更生，其極速滲透分子迅速為皮膚補水，補水緊膚一次過，特別適合油性至混合性肌膚使用。
面膜：Olay淨白保濕精華面膜
含膠原蛋白，可淨白膚色，收細毛孔，自推出以來反應一直熱烈。
特別補水：DiorDeepHydrationRefreshingSpray
水動力深層保濕噴霧
全新的特效補水方法，無論走到哪裏只要一噴就可以處於水霧中，為肌膚即時充電，咁就唔會出油出唔停啦！
