劉德華昨日以香港海洋公園保育基金保育大使身份，穿上熊貓護理員制服，在海洋公園出席「大熊貓園開幕典禮」，為重新裝修的大熊貓園主持揭幕儀式。原來華仔大清早已到熊貓園，更炮製盈盈樂樂最愛的鍋鍋頭。
在揭幕禮舉行前，華仔大清早6時便到大熊貓園，穿起熊貓護理員制服為盈盈樂樂打理起居飲食，在牠們的新居內鋪竹葉，又切水果和搓麵團炮製熊貓食品「鍋鍋頭」，近距離接觸大熊貓，華仔難掩興奮之情。
教分辨大熊貓
及後開幕禮舉行完畢，華仔與一眾嘉賓進入熊貓園，等候盈盈樂樂現身，司儀黎芷珊忙着提醒大家要安靜，直至兩隻送給香港作回歸10周年禮物的國寶出現時，華仔忍不住興奮大叫：「佢哋出嚟喇！左手面嗰個就係盈盈。」問他怎樣怎辨？他說：「黑眼圈大啲，耳仔細少少就係盈盈，呢幾日相處，覺得佢哋真係好可愛。」
獲胡錦濤稱讚
與盈盈樂樂相處的體驗，令華仔回味不已，他說：「我早幾日已經嚟過，要習慣點同熊貓相處，佢兩個好細，食物同安安佳佳唔同，要好多營養，我學整鍋鍋頭，佢哋要飲奶飲到兩歲半，咁當然唔係我餵奶啦！」黎芷珊接口再問：「唔係你餵奶咩？」華仔即笑說：「梗係唔係我，係你餵呀！」
探完熊貓後，華仔趕往深圳參加在世界之窗舉行的慶回歸表演節目，對於前晚「慶祝香港回歸祖國十周年文藝晚會」中，國家主席胡錦濤對他厚愛有加，拉着他的手講話，華仔說：「主席話好開心聽到我唱《中國人》呢首歌，叫我以後有機會都多啲為國家獻唱，主席鍾意我啲歌當然開心。」
採訪：魯萍 攝影：陳順禎
