天氣又熱又濕，平日喺屋企煮飯都盡可能清淡啲，不過來來去去都係白烚菜肉又太寡。咁啱吉之島由即日起至7月4日有個日本食品節，精選多款冷麵、冷麵汁同和風沙律汁，買晒返屋企可以自創清涼口味。現場仲有得賣井村屋即食杏仁豆腐同芒果布甸，做飯後甜品快夾妥。最後當然唔少得A4日本和牛，100克賣$188，注意和牛只於黃埔店及康怡店有售。