前排有報道指小朋友容易被太陽強光影響眼睛視力，建議小朋友出街戴太陽眼鏡。但好多時候，例如上體育堂，小朋友點可以戴太陽眼鏡呢？其實平日吸收多點花青素、DHA、維他命A、B1等，都有助保護眼睛，咁就唔使靠晒副眼鏡啦！
記者：林佩婷 攝影：陳偉強
示範：日航咖啡室（23134222）
凍房廚師宋紹聯
資料提供：註冊營養師黃榮俊
海亮明珠
需時：3小時
價錢：$200/10人
材料：海葡萄120克、魚膠片10片、藏紅花10克、蝦/蟹肉各200克、水500毫升、鹽少許
做法：蝦/蟹肉洗淨，蒸熟拆肉備用。魚膠片/藏紅花加水煮溶，拌勻後落蝦肉/蟹肉/鹽，倒入模具，雪至凝固後切成小件，放上海葡萄便成。
知多啲：海葡萄屬海藻類食物，含有DHA，可以維持視網膜的健康。
冰茄麵醬香腿
需時15分鐘
價錢：$150/10人
材料：番茄800克（切半）、麵豉80克、巴馬火腿100克、糖20克、日式薑芽1條（伴碟）、沙律菜少許（伴碟）
做法：麵豉/糖攪勻成麵豉醬，塗番茄上。碟底先鋪沙律菜，上放番茄，再放巴馬火腿，相間再放一層，最後放上日式薑芽便成。
知多啲：番茄含胡蘿蔔素，有助清除體內自由基，可保護視網膜內的血管。
蟹肉薄荷凍豆腐伴日式酸汁
需時：10分鐘
價錢：$120/2人
材料：蟹肉50克、豆腐1磚、紅燈籠椒絲20克、日式酸汁200毫升、薄荷葉1/2克
做法：豆腐上碟，蟹肉用薄荷葉/150毫升酸汁醃3分鐘後放豆腐上，周邊放燈籠椒絲，最後淋上50毫升酸汁便成。
知多啲：豆腐含維他命B1，有助消除眼睛疲勞。
芒果法多士
需時：20分鐘
價錢：$20/1人
材料：芒果1個（半個起肉，半個榨汁）、方包2塊、雞蛋1隻（拂勻）、薄荷葉/花生醬各少許、糖3克、白酒10毫升
做法：白酒/糖攪勻加芒果汁煮滾，成汁料；方包切半，中間塗花生醬，沾上蛋汁炸至金黃色上碟，淋上汁料，然後放上芒果肉/薄荷葉裝飾。
知多啲：芒果跟番茄一樣，含有豐富的胡蘿蔔素。
雜莓芝士餅
需時：45分鐘（未計冷藏時間）
價錢：$150/3kg
材料：忌廉芝士75克、糖170克、蛋黃6隻、忌廉750克、檸檬皮1個、魚膠片12塊（浸軟）、雜莓150克、水少許
做法：忌廉芝士/糖打勻，逐隻蛋黃加入攪勻，備用；忌廉打至半企，備用。魚膠片/水以熱水坐溶，加入2/3雜莓/忌廉/芝士混合材料攪勻，之後落檸檬皮，放雪櫃7小時，食用時放上餘下雜莓裝飾即成。
知多啲：藍莓、草莓、黑莓等均含有花青素，能改善血液循環，提升視力。
飲咖啡眼攰
註冊營養師黃榮俊提醒大家，想保護眼睛，應避免攝取太多咖啡因，所以汽水、咖啡、奶茶、朱古力，以及一些辛辣的食物，都應該適可而止。因為咖啡因雖然提神，但卻會令眼睛肌肉收縮，瞳孔放大，眼睛更加疲倦呢！
冰涼夏日自助晚餐
現時日航酒店都有上述菜式提供，除此之外還有數十款甜品。
地點：尖東麼地道72號香港日航酒店1樓日航咖啡室
日期：現時至8月31日
時間：6:30pm-9:30pm
查詢：23134022