如果大家記性好，都應該知道曾有水貨車行引入過Toyota嘅Voxy同Noah呢兩款MPV，或者因為外觀同車廂鋪排唔係咁啱香港用家口味，所以一直未能大賣。但啱啱喺上星期三（6月27日）登場嘅新一代Noah同Voxy，就明顯要比舊嘅嚟得有型得多，而全新2.0公升引擎仲可以有好力同低排放嘅好處㖭！
酒井法子幫手宣傳
同舊版一樣，Voxy同Noah外觀上嘅主要分別喺車頭部份，其中前者採用類似Sienta及雙層頭燈設計，而後者則保留原來橫柵式鬼面罩及一體化款式嘅頭燈，令人要分辨兩者嘅身份比以前容易。車廂方面，兩者亦保留超闊落嘅車廂鋪排，直立式中控台亦屬全新設計。另外，廠方更特別為兩款新車安排兩台同屬新設計、編號為3ZR-FAE同埋3ZR-FE嘅2.0公升直4引擎，前者馬力輸出為158匹，後者則是143匹。由於呢兩台引擎注入了DualVVT-i技術，因而可創出低耗油及廢氣排放嘅好處。
廠方對新登場嘅Noah甚為重視，除咗落足本宣傳之外，更特別搵嚟酒井法子幫佢哋拍咗一輯廣告短片，主題曲都由佢唱埋㖭。各位酒井法子同Toyota嘅Fans，不妨Click入Noah車系嘅官方網頁睇睇喎！
記者：鄭達基
網址： http://toyota.jp/noah/index.html