我們Billboard叫人今天（7月1日）上街遊行，不是搞抗爭，或要平反甚麼，而是要大家養成爭取自己權利的習慣，亦好讓它變成傳統延續下去。每年一次的7.1遊行，沒有固定主題，沒有派別之分，只要在過去一年對政府和當權者有不滿，就可大聲呼喊出來。有這樣一個民主到不得了的遊行，很難得，所以我們必須珍惜。當然，無知的當權者也看到7.1的演變，所以今年開始限制遊行時間：4小時。
記者對上街遊行也有一點心得，要行得舒服，就要準備充足，加上今年只有4小時，如果不快快腳，有機會被警方告你：非法集會。這是很黐線、很無理，但作為好市民，有責任遵守法紀，所以以下8個貼士，相信可令你在指定時間內完成。
BY：伍旋卓
記者︰劉昱蘭
攝影︰周旭文
Model︰Ruby
今年7.1遊行於下午2時30分在維園出發，指定路程全長3,600米。如果要等2個鐘，再行2個鐘，平均步速要有每小時2公里先行得晒。
10個7．1上街理由
1.落實2012雙普選
2.高官問責冇建樹民望低咪留低
3.醫生、社工及教師「同工同酬」
4.反官商勾結
5.保障工人階層工資
6.還我皇后碼頭
7.還我真正藍天
8.推倒西九屏風屋苑搵啖氣唞唞
9.嚴懲醫療事故失職者
10.業主立案法團兼管理公司咪再黑箱作業
DIY口號旗仔︰
Step1︰寫出今次遊行你最想爭取乜嘢。
Step2︰沿旗仔邊緣剪至尾。
Step3︰把整份副刊攤開，用餘下部份捲成旗杆。
過往4年7．1遊行人數統計
人數不重要，最重要是你們有沒有參與過；但我們可從數字的升降，看到該年市民對政府的信心。
過往4年精警標語
每一個口號和標語，都可促成是次遊行的主題。
歷年「被舉」的高官首級
每年遊行時，大家會高舉自己討厭的高官首級，05年沒有，證明7．1遊行對事不對人。
8個7.1遊行必備
Top1：報紙變旗仔
遊行最精采嘅，就係見到有色水又搶眼嘅手作標語同埋假人，有心有創意。你無時間整唔緊要，港聞版有橫額俾人拉，副刊亦略盡綿力，設計支DIY旗仔，寫出你嘅訴求。
Top2：帶多個朋友
多個人多分力量，多把聲喊口號聲勢浩大啲，多啲本錢為香港人真正嘅需要撐到底，而且多個人支持意志力會強啲，行得快啲或者等行嘅時候都有耐性啲，實在一定要帶多啲朋友先奏效。
Top3：撐傘（撐直選）
天氣不穩要佢擋風擋雨之餘，學阿大狀余若薇話齋，帶把遮撐住曾特首，撐佢幫香港向中央爭取2012雙普選。
Top4：鬧鐘/鬧錶
調校去遊行開始後2個鐘響一響，如果仲未行夠一半，真係要再加把勁行快啲。
Top5：啤酒（暗寸財爺）
消暑透心涼之餘，仲可以借個機會問問財爺，除咗紅酒之外，為乜啤酒冇稅減。
Top6：Roller/暴走鞋
嗰4個鐘喺維園等出發，由維園行去政府總部，沿途警察又截人分流，又唔開晒啲行車線俾大家行，根本唔夠時間行畢全程，對鞋唔加個轆就真係唔係幾夠Turbo。
Top7：氧氣罩
做4小時帶氧運動唔會咁易缺氧嘅，不過可寸吓香港空氣質素每況愈下，還我真正藍天，仲可幫自己打打氣。
Top8：風扇仔/扇
搧走悶氣谷氣之餘，最好同政府講埋，要撥走西九個屏風樓，我想唞啖氣啊唔該﹗