「勤力天王」入咗行咁多年，一直都好自強不息，當大家見到佢嗰輩嘅歌手都上晒岸，佢仍然同後生一輩爭獎就知啦。
天王知自己出身草根，所以閒時都有進修英文，不過佢似乎跟錯英文老師喇，事關佢有次搭飛機，喺機艙上有個外籍空姐阻住佢條路，佢當然即刻拋吓書包，同個空姐講英文，麻煩對方借過，佢好有禮貌同個空姐講：「MayIpassaway!」個外籍空姐當堂呆咗望住佢，然後笑一笑讓開畀天王行。
事關將佢嗰句英文繙譯為中文，大意係：「可唔可以畀我死。」個空姐聽完梗係俾佢嚇一嚇，返公司四圍同人講，咁咪傳到好多空姐都知囉，其實天王簡單啲講句：「Excuseme」咪得囉！
Textby關仁