老來，就該在家享清福，閒時與鄰居喝茶搓牌行山又一天。可惜社會上卻是一個又一個在街上拾紙皮維生的老人，一個又一個在餐廳做清潔在地盤做雜工的老人。本身為清潔工的63歲蓮姐，無懼腰骨痛腳骨力欠佳，7.1決意上街，為同輩爭回應有的尊重。
「一日都係政府衰。」半生從事清潔及護理行業的蓮姐，見盡外判商的刻薄招式，諸如月薪只有3,000元，但一個月只有兩日有薪假期等。她認為政府最錯是「樣樣都判出去，但係樣樣都冇監管」，結果苦了打工一族，每天出賣勞力只換取微薄工資，剝削卻愈來愈嚴重。
「政府唔理我哋」
如果政府保障網足夠，退休長者都可以在家安享晚年，但蓮姐認為政府從無重視長者，令他們無法停下來享清福，日日還是手停口停。「我哋係蟻民吖嘛，佢（政府）梗係唔會理我哋。佢淨係睇到有錢佬，睇錢份上，互相利用吖嘛，官商勾結你都聽過啦。」
蓮姐認為同樣出身基層的特首曾蔭權，應該給予長者更多保障。「我唔怕曬，但腰骨痛，可能行一陣就唔行咯。」問她何不干脆不參加？「唔得，梗係要出嚟支持吓，佢哋好慘。」老人家骨頭脆，腰骨卻很硬。