為協助競爭力稍遜的中年人士重投就業市場，香港基督青年會長沙灣中心提供就業配對服務，並與本報合辦「人搵工、工搵人」專欄，迄今已協助近200人成功就業。為了表揚參與就業計劃的僱主，日前舉行了「愛心僱主嘉許禮」，感謝他們放下成見，為這群求職者提供出路。
一份工作，一份收入，除可維持生計，也讓人一展所長，尋求自我價值。一直協助失業者搵工的香港基督教青年會長沙灣中心，是其中一所提供就業掛鈎、自助求職計劃和求職錦囊的培訓中心，中心一直協助失業者重投勞動市場，讓他們重建自信，肯定自我。
香港基督教青年會會員及社區服務總經理郁德芬博士表示，過去數年，經濟環境欠佳，失業率高企，在種種不利因素下，一群愛心僱主仍願意聘請低技術、低學歷的求職者，給予他們莫大支持，「一份工作除咗有收入，仲幫助長期失業人士有番自信，重回人生正軌，呢群開明嘅愛心僱主，實在好值得表揚。」
「畀多啲關心同鼓勵」
當日有12間公司代表出席嘉許禮，一酒店房務部主管黃先生在會上分享時表示，中年人士失業後即使成功轉型找到工作，起初的適應調整期十分關鍵，「一來上咗年紀適應力差咗，二來轉做第二行初期，會懷疑自己嘅能力，又會諗啱唔啱自己做，所以畀咗機會佢得到份工後，啱啱返工頭一個月，要畀多啲關心同鼓勵佢哋。」
僱主分享感想後，香港基督教青年會長沙灣中心邀請了兩名僱員，分別是中途轉型，由美容業轉當陪月員及保母的阿琴，和新移民阿群上台分享搵工經歷。53歲的阿琴不諱言，中年失業，令她很徬徨，「世事往往就係咁奇妙，經朋友提醒，我諗起自己鍾意照顧細路，又有經驗，咁點解唔做陪月員或者保母呢？」
經中心轉介下，阿琴鼓起勇氣，接受訪問，在本報刊出的「人搵工、工搵人」專欄中推銷自己所長，反應不俗，有不少初為人母的女士主動致電中心，邀請阿琴當其陪月員。
「就好似係轉捩點咁，我嘅人生就起咗變化，變得光明同易行咗，我心裡頭一直都好感激。」阿琴寄語一眾仍在失業苦海的浮沉者，「如果你肯做，做到60歲都有人肯請你㗎，千祈唔好氣餒。」
新移民阿群則來港數載，修讀培訓中心的房務課程後當酒店房務員，入職後不久即獲上司嘉許工作表現，「新移民廣東話唔正雖然係障礙，但係流利嘅普通話令我可以好輕鬆咁應付自由行客人。」