【本報訊】大型屋苑睇樓量未受回歸長假期影響，持續回升，綜合多間代理的統計數字，本周末預約睇樓較上周末增加7至16%，天水圍嘉湖山莊受惠於區內新盤栢慧豪園即將推售，及西部通道啓用，吸引大批用家睇樓。
中原分行經理黃志威指出，嘉湖山莊錄得190宗預約睇樓，較上周末增加21.4%，放盤叫價微升1.5%至1980元，近月來嘉湖山莊錄得多宗中港商人偷步入市個案。中原董事方啓明表示，預期嘉湖山莊市況將受惠於西部通道啓用，今年底前造價及成交，有望升15%及20%。
另外，黃大仙有地皮勾出，亦帶動東九龍屋苑睇樓量。香港置業周淑英表示，近日重推特色貨尾的清水灣道8號，周末有53組預約睇樓，增加23.3%。
美聯董事何銘培表示，多個新盤貨尾趁回歸假期以各式優惠搶客，間接增加二手市場睇樓意欲，當中不乏租轉買客源，尤以藍籌屋苑最受歡迎。