「寶兒」黐男不黐女，係全個公仔箱都知道嘅「秘密」，早幾個月前，佢識咗男士選舉出身嘅小嘍囉「痰罐」，諗唔到佢貪新忘舊，即刻飛起跟佢多年、做掛名助手嘅舊愛。
紙始終包唔住火，呢件事好快通咗天，寶兒為咗保護痰罐，竟然做咗場大龍鳳，早兩日佢特登打電話返公司，話痰罐只係佢嘅朋友，並唔係傳言所講咁曖昧，所以要借同事把口，幫佢同痰罐講聲唔好意思，即係要話畀所有人知，佢兩個唔係好熟。
出街似連體嬰
不過關仁就知道佢兩個friend到可以住埋一間屋，寶兒出親街，陪喺佢身邊都係痰罐，男人老狗相識半年就搞到過連體嬰咁嘅生活，寶兒屋企有乜大小事幹，痰罐都貼身陪伴打點。如果大家唔熟，痰罐又點會黐身成咁？寶兒越講就越係此地無銀，仲成為公司同事嘅笑柄㖭。
Textby關仁
