韓國人氣女歌手IVY噚日喺首爾蠶室奧林匹克運動場，舉行「IVY&Present1」慈善演唱會，為不幸兒童籌款，吸引咗7,000名歌迷入場。IVY喺開騷前召開記者會，話好開心可以將歌迷對佢嘅愛幫助其他人。當晚，打扮性感嘅IVY亦施展渾身解數，以一身白色露臍裝表演勁歌熱舞，但佢跳舞時竟然就唔小心露出一截豬腩肉，認真失威。