繼鄭希怡日前公開表演時不慎露點走光後，近日又有一段貌似某女藝人的半裸片段在網上流傳，雖然片段只有數秒，但卻足以震撼整個娛樂圈，引起各界高度關注。
古巨基：「呢件事好恐怖，個女仔好慘，將條片放上網嘅人好賤好衰。我嘅意見係唔會拍一啲咁私人咁親密嘅嘢，我自己就從來都唔會咁做，而且我認為唔應該去睇呢啲片段。」
雷頌德：「個女仔真係好慘，但係搞到我有啲想睇，不過呢啲嘢真係唔應該鼓吹，所以我都唔會睇。」
薛家燕：「男士就梗係睇得開心，俾人影一定要sayno，我自己教女都係，叫佢哋要識sayno，sayyes係好容易，好似我有一次去廁所，個女影咗我好狼狽嘅樣，我即刻追出去叫佢delete，話畀佢知流咗出去好大件事。」
鍾嘉欣：「平時同朋友影相最多都係搭膊頭，希望當事人唔好唔開心，我覺得上網嘅人好唔應該，呢樣係人哋私隱。」
陳山聰：「首先自己要檢點，就算平時換衫，好似做商場騷公司都會遮得好好，不過，男仔最多都係俾人睇底褲，女仔就會慘啲！我梗係唔會影女朋友咁變態，唔需要珍藏，放在自己腦裏面就夠，唔需要拍到好似A片咁。」