鄭裕玲（嘟嘟）、陳慧琳（Kelly）、周汶錡、周麗淇及古巨基等前晚在銅鑼灣出席髮型屋喬遷酒會，嘟嘟被指是此類沒酬勞活動的稀客，她笑謂：「唔好咁講，我嚟得梗係感情深厚，佢哋贊助咗我八年，我成日出鏡要靚㗎嘛。」
拍短片立心不良
談到有貌似女藝人的裸體片段在網上流傳，嘟嘟表示覺得拍片的人立心不良，她謂：「我唔明呢啲人點解要影呢啲嘢，我同呂方連合照都少，如果要留倩影，我會搵專業攝影師囉，我最近幫葉青霖出嘅書影咗輯運動相，唔性感嘅。」Kelly則說：「為自己安全着想，女仔要sayno。」
此外，周麗淇以一頭假短髮示人，她說：「呢個係我全身上下唯一假嘢，我啲頭髮唔捨得剪㗎。」也以一頭短髮示人的關心妍則說：「我諗咗好耐先剪，未試過男仔頭呀！」基仔謂拍《還珠格格》時試過剃光頭，現在他不擔心甩頭髮，但發現長了很多白頭髮，有點懊惱。
採訪：卓美娟
攝影：陳偉權