本港名媛御用設計師鄭兆良昨日看過Paris接受CNN訪問的從良造型後，狠批令人作嘔，他說：「零分，好老囉！咁後生着到成個阿嬸咁，唔啱佢，最差係一對黑色漆皮鞋，好嘔呀！佢反正都咁反叛，出獄又咁皮包骨，咪做番自己囉，着番啲爛Tee、牛仔褲仲好，衰咗又要care形象，唔該有番少少性格啦！呢個唔係乖女造型，係一個有錢師奶嘅過期打扮，唔好搞咁多嘢啦，唔該。」