星期二（26日）晚喺城門隧道荃灣出口發生咗一宗嚴重車禍，一部私家車及貨車相撞後，雙方司機下車處理之際，一部專線小巴卻收掣不及，撞向肇事貨車之餘再將私家車推前，繼而撞死私家車司機；悠穎馳喺呢度希望死者能夠早日安息，而傷者亦可早日康復。
當時嘅情形究竟係點，由於警方正在調查中，我唔係咁方便喺呢度同大家討論，但如果大家不幸喺高速公路上遇到意外，輕微嘅就應該將部車駛去路肩（如有），又或者係比較安全嘅地方，然後立刻離開車輛，並站於遠離行車線嘅地方；若然車輛不能開動，甚至係有人受傷的話，就應該立即亮起死火燈、喺車後約100米處放置一個三角形嘅警告牌，並盡快利用手提電話或公路旁的緊急電話報警求助，緊記盡量唔好留喺車廂入面，免得被其他車輛撞及而受傷。另其他車輛嘅司機亦應時刻保持警覺，倘若見到前方有壞車或交通意外，應該收慢車速之餘仲要盡量提醒其他駕駛者，從而避免另一宗意外嘅發生。
悠穎馳
豪邁不羈，愛車如命，聽幾下引擎聲就知咩車！