人人做瑜伽，samsam也是好此道者，有日她貪方便穿了一條做瑜伽時穿的運動褲上街，怎料母親大為緊張，「阿媽鬧我，佢話條褲咁貼身，現晒形，出街俾麻甩佬望到實一實，要我着多件衫遮住。」
samsam當日穿的是一個巴西牌子瑜伽褲，在香港頗流行，以質料舒適及剪裁合身受歡迎，不過她的母親卻不太欣賞，「佢仲話運動褲唔可以着出街，現晒形好核突。我覺得好奇怪，我又唔覺現晒形，條褲係比較貼身，會見到個hip線條……我都係貪方便啫，以前未試過，點知第一次着出街就俾阿媽鬧。」
BeautyExchange姊妹原來都認為不宜着瑜伽褲上街，Cara子表示：「我都唔會着，因為真係好貼身，着出街就唔係咁好睇，好似喺泳池着泳衣冇問題，但唔會有人着出街囉。」sorchichi說要扮型最好有自知之明，「如果身形好都不妨show吓，有肚腩仔就唔好嘞。」