聯想上月23日交成績表，同時公佈高級副總裁馬雪征退休，離開做咗17年嘅工作崗位。之後有啲分析話，佢唔撈同公司股價長期喺2蚊到4蚊低位徘徊有關。
不過，最近出版嘅聯想年報披露，三個最高領導，舊年薪水差別好大。呢個會唔會係有人走嘅另一原因，真係不得而知。
年報顯示，馬雪征薪酬獎金一共166.7萬美金（1300萬港銀），增加35%，比起香港一般打工仔，加幅已經相當和味。
但同主席楊元慶，同埋首席執行官WilliamJ.Amelio比較，就蚊髀同牛髀嘞。楊主席人工連獎賞416.3萬，增49%；Amelio仲勁，增近1.8倍至671.1萬。
如果你係馬小姐，唔知會唔會覺得男女有別呢？
[email protected]