藍籌屋苑太古城老而彌堅，樓價長期跑贏大市，更是全港樓市指標，其最大賣點當然是近九成超高實用率和坐擁地鐵沿線優勢，加上規模夠大，又附設大型商場，令成交量與成交價經常長踞榜首。是次介紹單位為北海閣高層C室，面積835方呎，3房2廳，單位難得享大單邊，主人房望全海景，叫價560萬元，是近期太古城優質放盤單位。
廳大房大 實用率達86%
單位廳房間隔方正，兼且廳大房大，雖然主人房與另一睡房設有窗台，令實用率略為減低了少許，但整體上無損其實用性，實用率仍高達86%，充份體現出太古城高實用率的優點。另外，由於單位位處大單邊，客廳可外望西灣河及筲箕灣一帶開揚廣闊樓景，主人房更兼享全海景。單位原則為1個半浴室，業主在另一個浴室加裝花灑設備，方便使用。該單位雖一直由日籍人士租用，但裝修保養佳，牆身潔淨，地板光亮。
7月份交投更旺
美聯物業太古城道分行區域經理袁柏文表示，上月太古城成交量達108宗，十分暢旺，6月份市場稍為放緩，至今約50宗成交，最新平均呎價5900元，較上月升3%，估計7月份踏入傳統暑假換樓潮，成交將會更旺。
物業資料
物業名稱：太古城
地址：太古灣道1號
單位：北海閣高層C室
建築面積：835方呎
實用率：86%
間隔：3房2廳
叫價：560萬元
呎價：6707元
落成年份：1985年
管理費：1.2元/方呎
設施：停車場、泳池
發展商：太古地產
資料提供：美聯物業太古城道分行
電話：29227199
業主賺租又賺價
「我喺太古城住咗都有十幾年，搬嚟搬去都喺太古城，主要係貪呢度交通夠方便，近住東區走廊過海返工好快趣，而且仲夠晒實用，而家啲新樓呎價已經貴咗，間屋仲要細咗，所以我唔會買新樓囉！呢層樓我喺04年買，當時見到個海景就好鍾意，諗住買畀個仔住，後來個仔喺外國無返嚟，於是一直租畀個日本人同事，而家個同事要返日本，我又唔放心租畀其他人，就趁樓市好賣咗佢。」業主張太於04年7月以397萬元買入，3年間賬面勁賺163萬元。
