我是很喜歡坐郵輪，大佬成日笑我似足老人家，鍾意埋啲老人玩意。唉，佢太頑固啦，試都未試過就彈。其實郵輪某程度只係一種交通工具，不過呢種交通工具有埋酒店，免卻晚晚換酒店之苦，仲有埋各國美食，戲院泳池歌劇院都包埋船入面，然後佢仲會一次帶你好舒服咁玩唔同國家，幾正呀！最近我就睇中咗4月尾先落水嘅翡翠公主號，成十萬噸，設施同服務據講都好正，不過吸引我係佢7月4日同8月21日分別會有12天地中海與希臘島嶼之旅，玩足希臘6個地方，仲有去埋克羅地亞、土耳其同意大利，12日入面仲得一日係全日海上航行，而且每個地方都停留多過8小時，好吸引呀！價錢方面，內艙房成人美金$1,514（HK$11,809）起，都唔算貴，大佬，去啦，去過一次包你從此上癮！
查詢：29561166（CruiseVacationsLtd.）
悠樂祥
酷愛旅遊，搭飛機多過搭巴士，天生樂天派。