「你有壓力，我有壓力……」呢句說話好out啫！但對香港人嚟講依然係不爭的事實，當壓力無處不在迫到你透唔到氣嘅時候，千祈咪做儍事，不妨化壓力為食量，皆因有很多食物的營養素都能舒緩情緒，減少壓力感，個人輕鬆番啲，就有力氣再拼搏啦！
記者：趙珮倩
攝影：陳偉強
Model：Ruby
奇異新蕉
需時：20分鐘
價錢：$8/1人
材料：香蕉1隻、士多啤梨2粒、藍莓適量、奇異果1個、雞蛋1隻（取蛋白）、糖20克、檸檬汁少許
做法：香蕉去皮切片後沾檸檬汁備用；士多啤梨切成小瓣；奇異果去皮，一半切片，一半壓成漿狀；蛋白加入糖，以攪拌器打至起泡企身備用；以平底鑊燒滾水，鋪上焗爐用紙，放上蛋白，蒸至凝固取出，放上生果，最後淋上奇異果漿即成。
雞包西蘭花
需時：45分鐘
價錢：$18/4人
材料：雞柳4條、西蘭花1個、煙肉8條、鹽適量、酒3湯匙、豉油2湯匙、糖1湯匙
做法：西蘭花切成小瓣，加入少許鹽，略烚瀝亁；雞柳從旁切開攤平備用。將西蘭花放在雞柳上包起，外面再包上兩條煙肉，以牙籤固定；燒熱鑊，將雞肉接口向下，煎約2分鐘，拌勻酒/豉油/糖倒入鑊中，加蓋，煮至汁稠雞熟，即成。
菠菜肉碎夾心薯餅
需時：30分鐘
價錢：$12/3人
材料：薯仔300克、菠菜/瘦肉碎各100克、麵包糠適量、鹽/胡椒粉/牛油各少許
做法：將菠菜切約2厘米長段備用；燒熱鑊，下油炒勻瘦肉碎/菠菜，加入鹽/胡椒粉/牛油調味，盛起，撒入麵包糠吸亁備用。薯仔洗淨，去皮刨絲，浸水後瀝亁；燒熱鑊下油，將半份薯仔絲放入鑊內，鋪上菠菜/碎瘦肉，再將餘下薯仔絲鋪上，以中火煎至兩面金黃色即成。
名荷伴冰火三文魚
需時：20分鐘
價錢：$60/2人
材料：刺身用三文魚6片、片栗粉適量、名荷1隻、日本小青瓜1/2條、柚子味醋11/2湯匙、
做法：燒熱鑊下油，將3片三文魚沾上片栗粉，煎至兩面金黃上碟；其餘3片三文魚略煎至外熟內生，放冰水過冷河，瀝亁上碟。名荷切絲，小青瓜挖去籽後，切薄片伴碟，蘸柚子味醋食用。
五目豆凍
需時：1小時（不計浸黃豆時間）
價錢：$8/2人
材料：黃豆1杯、蒟蒻1/2包、紅蘿蔔1/2條、木耳適量、糖/味醂/豉油各1/2杯
做法：黃豆沖洗後，放鍋內加水浸8至12小時，留意鍋內水量應維持高出黃豆的一倍；之後將浸好的黃豆連浸汁以中火加熱約40分鐘。蒟蒻/紅蘿蔔/木耳皆切小粒，加入黃豆中煮10分鐘，最後下糖/味醂/豉油調味，煮至汁稠即成。
示範：日本料理研究家CoCo小松本
（ http://hk.myblog.yahoo.com/coco-cook）
