女朋友生日是很多男人噩夢，名貴禮物買不起，便宜的又怕女朋友嫌棄，更加不知她的心頭好，送上一份不合心意的禮物，隨時鬧出分手風波。網友肥溫便深明此理，因為他送了一盒高達模型給拍拖一個月的女朋友做生日禮物，女友之後嬲了他，兩人正在冷戰。
想兩人一起砌模型
肥溫說送高達模型給女友，原意是希望兩人一起砌模型，既可增進感情又溫馨，怎料女友拆禮物後，「當堂好似唔開心咁，之後睇戲，佢全程冇出過聲，睇完之後本來去食晚飯，但佢話唔得閒，走咗。」之後三日女朋友也沒有接聽他的電話，「我唔知點解佢會嬲我，雖然份禮物唔係好名貴，但都唔係好差啫。」
Jeff直指肥溫今次闖禍，「女仔邊鍾意高達㗎，你想同佢一齊砌，佢一定會同你砌，但應該買砌圖，唔係模型，你唔好送你自己鍾意嘅嘢畀女朋友，應該係佢鍾意嘅嘢。」Vas4ever表示，「有幾多個女仔鍾意高達先得㗎，坦白講，畀我收到，會覺得你係買嚟畀自己砌多啲。」MaxMing稱，肥溫送禮前根本無考慮女朋友感受，「如果你女朋友送個Babie畀你，然後要你同個公仔化妝，你頂唔頂得順？」