日式餐廳叫得做「備長」，即時想起是用備長炭燒烤的高級日式和牛牛扒，卻原來是間主打串燒和食的日式餐廳，近日老闆花了7萬大元，在日本購入火力達1,000度的串燒爐，能迅速鎖住肉汁。平民化的價錢，享受「模擬備長炭」美味，甫進店內，香味已經傳遍，令人垂涎三尺！
記者：黃錫蓮
攝影：陳盛臣
模特兒：Mandy@TheGroup
7萬元電爐好火力
現代人愛吃但又要吃得健康，於是最高級的燒和牛是以無煙的備長炭燒成，但盛惠過千元一客！一般炭燒BBQ溫度約由93.3度至260度，燒時灰燼四處飛，吃進肚裏？有違健康原則，一般的電爐又嫌少了炭燒味。於是老闆Paul在日本引入這部7萬大元的高溫電爐，名字喚作Higogriller，重量達二千磅，在日本相當流行，但因為貴，在香港比較罕見。其燒烤溫度夠高，90秒就達到850度，最高達1,000度。店主阿Paul：「我買呢款爐係因為佢可以發出成千度高溫，有效鎖住肉汁，香味就可以好似用備長炭燒出來嘅串燒咁香。」有好爐也得有好手藝，師傅在醬料上也花了不少心機，有清鮮的青瓜醬、獨特的喜馬拉雅山岩鹽，把外皮已烤至亁脆的串燒蘸一點醬汁一試，相當香口，咬落肉汁四流，香味良久不散。
荔枝豬肉卷$38
用豬腩肉包裹荔枝，而荔枝肉採用罐頭貨，因沒渣而且質素較穩定。兩者味道好夾，特別是在夏天吃，合時令，口感清新。
燒羊扒$68
羊扒來自新西蘭，用西式醃法再浸橄欖油，過程要整整一日，食落有羊味唔覺羶。
牛肋骨$54
韓式烤肉重點不在醬汁，但此牛肋骨則採用韓式醃法製作新鮮牛肋骨，味香有𡁻頭！
法國鵝肝$88
鵝肝是法國高級品牌Rougie，爐火把表皮烤至微焦，咬落鬆軟，肉汁香滑。
明太子茄子煮$42
老闆表示，這款串燒係用秘製醬汁做出來，而茄子係來自日本，味道特別清甜，推介！
食客有Say
Brian：「我最鍾意食明太子茄子煮，味道好特別又好清。最欣賞佢串燒食物種類多，牛肋骨好惹味，肉味十足。」
德哥：「老婆食完讚不絕口。最鍾意食燒大蝦，貪佢蝦頭多膏，肉好爽口。荔枝豬肉卷亦唔錯，估唔到荔枝同豬肉味道可以咁夾。」
Ben：「串燒好有水準，配埋日本清酒，味道簡直PerfectMatch！其實不但串燒好味，連甜品都唔錯，例如心太軟咁，朱古力味好夠，超正！」
黑金環境
全店以黑、金色為主調，運用金屬及石材等物料佈置，睇落好富時尚感覺；牆壁以天然石材及木料互相配合，好富藝術性感；座椅用真皮製成，格調優雅，豪華舒適；而光線就好柔和，食客自然食得舒服啦！
食店資料
備長（28387022）
地址：銅鑼灣軒尼詩道523-527號恆和鑽石大廈26樓
營業時間：12:00nn－2:30pm；6:00pm－1:00am