時間：01年8月16日
人物：梁思浩
地點：山頂嘉諾撒醫院
經過：百忍係咪可以成金唔重要，最搞笑係梁思浩01年因為尿閉60小時，上咗港聞版頭條。01年初，思浩離奇遇襲，案中主角梁思浩成為傳媒追訪目標，令佢感到壓力重重，精神備受困擾。
喺01年8月16日，思浩一臉憔悴返港台做節目，佢同記者大爆自己超過36個鐘屙唔出尿，之後就去咗醫院睇醫生。佢落車時個樣好殘，行動又緩慢，睇嚟真係好唔舒服，當時醫生仲話情況再係咁嘅話，佢必須入院進行插管排尿。
屙唔出尿嘅感覺一定好難受，思浩一班好朋友唐麗球同鍾慧冰等先後買咗7樽蒸餾水畀佢，希望飲多啲水令佢屙到尿，可惜成效唔大，由於尿液含有毒素，不能如廁對身體造成嚴重影響，成為「忍者」嘅思浩當時就話：「冇得屙尿個人好辛苦。」
思浩第二日去醫院覆診，前前後後忍尿忍咗60個鐘嘅佢最後需要排尿，不過佢排完尿可能想早啲返屋企休息，結果佢低調由秘密通道離開。
本欄逢周一至周六刊出