李賽鳳與羅啓仁近日為婚外情互相指罵，繼羅啓仁大爆李賽鳳與契仔宗天意有不尋常關係後，李賽鳳亦反擊指羅啓仁與表演團長汪小莉有曖昧關係。身在美國的羅啓仁今日飛赴北京工作，昨日他接受電話訪問時，竟形容李賽鳳是中國版ParisHilton。
「完全唔怕醜」
羅啓仁說：「我啱啱喺美國呢邊睇咗ParisHilton電視台訪問，睇完之後真係覺得李賽鳳同Paris嘅行為好相似，做咗壞事唔怕人去講，仲要借呢啲醜事自我宣傳，兩個人完全唔怕醜，只要有得益就得㗎啦，大話又唔怕講，Paris就話收人幾百萬做訪問，李賽鳳都話我畀咗成100萬嘅宣傳佢㗎，加上佢兩個都係身材瘦瘦嘅靚女，係李賽鳳老啲啫，所以話李賽鳳係中國版ParisHilton，除咗佢都冇第二個。」
此外，薛芷倫對Paris大表同情，指她為盛名所累，她說：「我喺美國讀過書，真係經常會判個犯喺屋企坐監。佢可能係因為出名，其實判佢喺屋企坐監都得㗎，不過可以咁諗，佢受咗教訓，可能放出嚟會更上一層樓呢！」
採訪：林妃