人物：張慧儀、霍紹裘
時間：03年6月15日
地點：尖沙嘴
經過：張慧儀02年底學拉丁舞邂逅舞王霍紹裘後拍拖，03年初張慧儀練舞時整傷頸骨同胸椎韌帶入院求醫，霍紹裘當時答應照顧女方一生一世，兩人愛得火熱，仲打算結婚。
03年6月張慧儀聽到霍紹裘另結新歡，因為咁嗌過好多次交，可惜冇解決到。最終張慧儀忍唔住，有日去咗未婚夫霍紹裘間跳舞學校踩場兼攤牌，結果雙方先口角，繼而大打出手，張慧儀仲俾人打傷要送醫院，佢同時涉嫌刑毀被捕。至於霍紹裘就因為涉嫌傷人要帶返警署，當時兩個人分別各准以1,000蚊保釋候查。
根據警方消息，指當時張慧儀同霍紹裘發生激烈爭執，佢扯住霍紹裘價值約200蚊嘅恤衫，糾纏間霍紹裘一巴摑女方，打腫張慧儀塊面，張慧儀就拎起對方嘅手機掟向霍紹裘。警方到場調停，希望佢哋可以和解，但雙方都唔願意。事後因為證據唔足，警方撤銷對佢哋嘅起訴。
霍紹裘喺接受訪問時，暗示張慧儀精神有問題。女方事後開記者招待會，佢話：「相信透過言談舉止，大家會知道一個人修養同品性。由有人做出鹵莽行為呢刻開始，我已決定為呢段感情畫上句號。」
經過呢件事之後，張慧儀成個人都低調咗，佢近年轉戰內地，睇嚟𠵱家畀佢最大安慰嘅都係𢱑銀。
本欄逢周一至