「你𠵱家唔出聲，就永遠都唔會有普選。」近期唱到開巷、吸引逾60萬人瀏覽的《福佳始終有你》作者之一Freeman堅持每年7.1上街，捍衞7.1精神。在他眼中，7.1精神是每年集合大批普羅大眾，發出響亮聲音，表達不同訴求。他說：「當你喺嗰堆人中間，有過萬同路人喺你身邊嘅時候，其實好開心。除咗7.1，你仲有邊個時間搵得到？」
可以說出你今年7.1上街希望表達的三項訴求嗎？Freeman說：「得三樣嘢咁少？我用重要性同可行性嚟排：第一係香港教育，第二係空氣質素，第三係普選。普選係需要磨合嘅，唔會突然之間喺08年就會有，但你𠵱家唔發出聲音，就永遠都冇。」他強調，市民不爭取普選，政府就會不斷拖延，不知拖到何年何月。他認為普選越快來臨越好，很多問題的關鍵其實就在於普選，有了普選，教育及空氣污染等問題都能迎刃而解。
港人有諗法很難煽動
Freeman進一步解釋稱：「點解政府𠵱家唔政通人和，偏幫呢個嗰個呢？點解特首唔使向香港人交代？變咗你市民嘅聲音佢唔使聽，唔使理你呢……好似普選咁，政府做唔到，呢啲唔使修改《基本法》嘅細奀嘢（指空氣清新約章）你又唔做，你究竟想點？」
《福佳》另一作者林忌早前稱，他跟Freeman不同，Freeman只會剪片，但林忌就有動員力、組織力。對此，Freeman淡淡地說：「其實我由頭到尾都未試過好肉緊咁催谷啲人上街，我覺得香港人有自己嘅諗法，每個香港人都有自己嘅生活模式，要唔要做額外嘅嘢佢自己會諗，我覺得你煽動唔到佢。我會透過剪片，做一啲material（素材）出嚟擺上網，等啲影像發揮佢嘅感染力。同林忌相比，只可以話：我間接，佢直接啲。」記者：蔡志郁