甚麼時候開始，中梵關係不再是「枱底下」的事?建交的兩個條件：與台灣斷交和主教任命權，對公眾不再陌生，因為這10年，有陳日君樞機。有人說，陳日君惹火，只會令中梵建交之路更崎嶇，實情是，無論外間說甚麼，教宗對陳日君的信任從沒變過。
「教廷有時好心軟」
1996年，陳日君獲委為助理主教，他當時就在記者會中提過，回歸後香港是中國的一分子，教區會多關心內地公開和地下教會是當然的事。10年過去，他覺得現在是關鍵時刻，「大陸都開放咗好多，唔使咁怕民主，全世界都係教宗任命主教，點解中國又唔可以呢？如果中國特別唔放心，我明白，但係佢要完全話事，係冇可能。」
「教廷有時好心軟，太快承認嗰啲自選自聖嘅主教，上年又話絕罰啦，之後又冇咗下文，啲主教就會覺得，橫掂絕罰都係嚇吓人啫，都唔使理。」他認為，討論建交初期，有需要妥協，但現在應該調整，「教廷一直冇採取行動，好可惜，妥協嘅情況拖得太耐，就以為係正常。」
他又說，這10年，教會一直被迫跟中國天主教愛國會副主席劉柏年交易，「好似我哋請內地主教嚟香港交流，要求10個人，佢淨係派5個畀你。佢有好大權，邊個聽話就畀佢出去行吓，間接增加緊佢嘅權力。」他直言，不會讓這種情況維持下去。