JamieOliver又有新搞作了！今次佢會喺新一輯節目中，親自到園裏收割薯仔、番茄和蠶豆等食材，然後即場炮製家常菜，好似多士、意大利粉和沙律。我哋率先試做，找來本港廚師Kannis跟住Oliver的食譜自煮一次，果然做法好簡單，而且材料天然，一家大細都啱食。
記者：黃錫蓮
攝影：陳盛臣
場地提供：嘉出版
http://www.characters-books.com
青豆蠶豆多士
需時：20分鐘
價錢：$35/2人
材料：青豆/蠶豆各150克、薄荷葉6片、巴馬臣芝士粉20克、檸檬汁1茶匙、麥包2片、蒜茸1/2茶匙、馬蘇里拉芝士6粒、橄欖油/鹽/黑椒碎/沙律菜各適量
做法：青豆烚熟，蠶豆烚熟去皮，備用；將青豆/蠶豆/薄荷葉放入攪拌器
打碎成茸狀，加入橄欖油/芝士粉/檸檬汁/鹽/黑椒碎拌勻成豆茸；麥包塗上蒜茸，放入焗爐焗至金黃色成多士。最後，在碟上放上多士/豆茸/馬蘇里拉芝士，再伴以沙律菜及原粒青豆即成。
貼士：想省錢的話，可用芝士粉取代巴馬臣芝士粉。不喜歡吃青豆的朋友，則可用甜豆或紅腰豆代替。
意大利肉腸青豆意大利粉
需時：30分鐘
價錢：$80/4人
材料：意大利肉腸6條、青豆30克、罐裝番茄肉1罐（約350克）、意大利粉400克、蒜茸1茶匙、羅勒莖4枝、牛至（orengano）1/3茶匙、橄欖油/鹽/黑椒碎各適量
做法：意大利肉腸切件，青豆以熱水略烚，意大利粉烚熟，過冷河隔水，備用。燒熱橄欖油，將肉腸煎至兩邊金黃，盛起隔油。另燒熱橄欖油，炒蒜茸，加入羅勒莖略炒，下番茄肉（連汁）/牛至煮至滾，落鹽/黑椒碎成汁料。最後將肉腸放上意大利粉上，淋上汁料，撒上青豆即成。
貼士：想省錢的話，可用免治牛肉自製肉腸，或以雞腸、火腿代替。想意粉彈牙，切勿煮得太久。
薯仔沙律
需時：25分鐘
價錢：$30/2人
材料：新薯8粒、檸檬皮少許、檸檬1/2個（榨汁）、鹽/黑椒碎/醃續隨子花蕾/橄欖油各適量、煙三文魚6片、蒔蘿1束（切碎）
做法：新薯烚熟，去皮切半；檸檬皮切去白色部份，留黃色部份切碎。所有材料（除三文魚外）拌勻，伴三文魚上碟，即成。
貼士：新薯較中國薯仔細，表皮白色，可連皮食。新薯烚後，要放涼一陣才加入香草。嫌新薯貴的話，可用普通薯仔代替。
烤雞薯仔番茄
需時：50分鐘
價錢：$30/2人
材料：雞扒2件、番茄3個、新薯4個、檸檬1/2個（榨汁）、牛至（Oregano）/鹽/黑椒碎/醋/橄欖油/沙律菜適量
做法：雞扒切件，番茄去皮切件，新薯烚熟，去皮切半，皆備用。燒熱橄欖油，下雞件略煎，加入鹽/黑椒碎；預熱焗爐至180℃；將番茄/薯仔/雞件/牛至/醋拌勻，放入焗盤內，入爐焗35至40分鐘，上碟後，加入沙律菜/檸檬汁即成。
家庭煮夫回來了
《家庭煮夫奧利佛》（JamieAtHome）將由7月5日起，逢星期四，晚上8時至8時30分在「Discovery旅遊生活頻道」播出。節目中，JamieOliver會以簡單、易得的材料，包括他最近在自己的廚房、花園種植的蔬果，來炮製其拿手好菜，大家學嘢啦！
示範：烹飪導師及食譜作者KannisYeung
