10年回歸馬照跑，煞科賽事在星期一舉行，跑完馬，7月有乜波睇?朋友問碧咸在下月的黑色星期五就加盟美國的銀河隊，到底家陣有邊個電視頻道會轉播美國職業聯盟呢?碧咸迷要繼續追星，這個時候當然是十萬火急要解決的事。
碧咸黑色星期五投銀河
可惜是收費電視台的網頁資料都是殘殘缺缺的，好像奪了英超轉播的公司，看其體育頻道推介資料，完全冇提會播英超聯賽，到底係咪真係有得睇嘅呢?至於美國波，在香港始終市場不大，翻看新聞檔案亦不見提及有電視轉播。
不過，原來仍然有出路，dot.com業務在美國當然先進，職業聯盟設有收費webcast，看示範畫面，都起碼睇到個足球響邊度；而且收費便宜，訂一個全季套餐不用20美元，只是百零蚊港銀而已，唔睇碧咸唔得嘅狂迷，可以考慮一下，試試香港用戶可否訂購。美國有些網站也直播大小馬場的賽馬的，但海外人士是不可訂購，所以只能望門興嘆。
張美德
記者出身的著名馬評人，現職馬會節目主持人。