薛凱琪（Fiona）和梁詠琪（GiGi）因拍電影《女人本色》而變得老友，Fiona指二人經常傾得投契，首次合作已擦出火花。導演黃真真日前與Fiona一起做訪問，就大爆GiGi及Fiona拍海報時攬頭攬頸扮同性戀，工作人員還笑指二人可拍《刺青》的搞笑版《刺釘》。
問Fiona是否接受與GiGi拍同性戀電影時，她說：「如果要拍，唔接受都要接受啦！至少我可以錫到個靚女。作為專業嘅演員我會做。」黃真真更透露張敬軒太瘦，本來安排一幕打交戲由軒仔勝出，則改為打輸。
硬撼房祖名
另外，房祖名有份拍攝的《男兒本色》在差不多的時間上映，問到會否比拼票房，Fiona說：「唔係咁鬥，我哋拍戲為咗口碑，想觀眾睇完感動，唔係為票房。」
採訪、攝影：王連連