夏天一到，最清涼消暑的活動，莫過於跟海水和陽光玩遊戲。不過每次在泳池或海邊玩水，總會見到一些女生披頭散髮便直接下水，上水時更有恍如深水女鬼般的驚嚇效果，就算樣子身材Ichiban都會讓人倒胃口！如果唔想去玩水時化身水鬼把男生嚇走，不妨學學這三個適合落水的髮型，複雜簡單任君選擇，總會比只綁一條馬尾好看得多！
記者：謝翠玲
攝影：周旭文
Model：Tobee（StarzPeople）
HairbyTeddy（ChinG.）
Look1：側分三手辮 5分鐘速成
需時：5分鐘
難度：★★
基本三手辮非常紮實，比單單綁一條馬尾更適合落水，包你怎樣游也不會弄得披頭散髮。不過只在背面編一條三手辮易老氣變村姑，要保持青春美少女氣息，記得學髮型師教落的這種側分辮子頭，而且要一編編到尾，最後再加多個七彩頭飾就更俏麗活潑。
Steps
小貼士：辮子要緊實，關鍵在最初編三手辮時要紮得夠實才不會鬆散。
Look2 大細扭髻 啱晒船河
需時：15分鐘
難度：★★★
如果你去泳池只是曬吓太陽浸浸水，不打算游十個八個塘，那不妨學學這個大細邊扭髻，簡單得來又高貴。雖然不如辮子頭般實淨，但浸水後不會完全破壞造型，最適合在海邊玩玩水或遊船河。
Steps
小貼士：逆梳過的那撮頭髮夾成髻時，要留意份量不要太厚，看起來才不會太大嚿，切忌累贅。
Look3 進階辮子頭 轉場都掂
需時：25分鐘
難度：★★★★
這個辮子頭看起來雖然複雜，但其實萬變不離其宗，同樣只是三手辮，方便活動之餘，玩完水後吹亁辮子，頭髮更會有微曲的效果，方便游完水後再Set頭趕下場約會。
Steps
小貼士：後面的頭髮先用水噴濕再以梳尖來分成一份份會較易分得整齊。
髮型師貼士
「如果想落水後頭髮不會變得鬆散，最穩陣就是紮髻或梳辮子。將辮子或髻往側面綁最能保留少女的活潑氣息。」
膠製髮飾啱落水
想游水Look也繼續搶鏡，不妨運用少許髮飾來加上色彩。髮飾最好選膠製的，不怕濕水，色彩也通常會較鮮艷。
