許冠文前晚去九龍灣MegaBox嘅imax影院擔任開幕主禮嘉賓，許冠文話10月會自編自導自演一部喜劇叫《歡樂密碼》，佢話喺娛樂圈中，覺得古天樂同楊千嬅都好有喜劇細胞，佢仲大讚古仔演戲變化大到演乜都得，佢話：「好似佢做道友（指《門徒》）都以喜劇形式去做，難得佢又唔介意。」問佢會唔會搵千嬅同古仔做新戲角色，許冠文話大家傾緊。
