「過去兩年7.1我哋都冇上街,今年真係忍唔住,覺得香港人一定要再次行出嚟!」律師馮敬德說,是全國人大委員長吳邦國的「權在中央」論,加上教統局官僚「唯我獨尊」,令他與一群中產家長今年7.1重出江湖。
對吳邦國言論感不滿
「最初講明回歸後香港只係唔理國防外交,點解北大人會越講越大,講到一切權力都喺你度?」馮敬德表示,吳邦國的話令不少香港人「條氣唔順」,「所以冇上街兩年,都要再上街,等中央知道香港人不滿,唔係乜嘢都係你北京講晒!」
03、04年7.1,馮敬德一家都有上街,為的是對前特首董建華不滿,並要求政改。「05年董建華下台後,諗住睇吓曾蔭權做成點,同埋都期待07、08或者有普選,咪冇上街兩年囉。」但人大釋法剝奪了07、08年雙普選,曾蔭權至今未能交出普選時間表,令馮敬德感到被騙。「所以今年一定要行出嚟,咁做對爭取2012普選係好重要!」
「03年7.1我大肚都要上街,之後四年內生咗三個細路冇上街,今年為咗下一代嘅前途,我應該會再上街。」家庭主婦陳太說,惟有普選,方可令下一代在公平的制度下健康成長。
「呢個政府冇民主,你唔上街講意見,就冇人會理你」。
去年懷孕時上街抗議
去年11月,陳太懷着第三胎,也堅持與一班本地孕婦上街,要求政府正視內地孕婦來港產子霸佔本港居民床位問題。「上咗街之後,醫護主動打電話關心我哋嘅情況,總之要上街,先會有力量!」她認為,回歸十年貧富懸殊加劇、低下階層工資沒有保障、教育政策混亂,「總之今年7.1,香港人有大把理由上街抗議,要求政制改革,改善管治問題」。記者:雷子樂