曱甴「小強」身形細小，但卻是不少人的「天敵」，25歲的「獨居小明」昂藏六呎，卻對小小的曱甴既驚且懼，「有冇人知道點克服到曱甴心理障礙？我試過整張曱甴wallpaper喺電腦，只係試咗一日，搞到我成日都反胃，真係想嘔。」
深夜到訪「瞓唔着」
網友對「獨居小明」的畏懼曱甴問題很驚奇，想不到「神高神大」的男子竟有此問題，他說：「就算隻曱甴死咗，我都要用丫叉、黐張膠紙，好似釣魚咁黐佢丟去垃圾桶。」他說日前晚上不速之客到訪家中，令他整晚冇覺好瞓，「夜晚一、兩點有曱甴，我真係瞓唔着，一定要捉到佢。」
網友提供多種方法供他參考，「是但啦」說：「養佢哋，供書教學，等佢哋做一隻好曱甴，唔好只識走出嚟嚇人。」「a964837」稱，「最好用曱甴剋星：人字拖鞋。畀啲男子氣概，見到佢瞄準，大力拍落去乜都扁晒啦，簡直大快人心，拍多幾隻你就唔驚㗎嘞。」
Rochelle.L認為解決這問題有三秘訣，首先要記住人大過曱甴，見到都唔使驚；其次是常備殺蟲水、人字拖在家；最後是購買一個長鉗，「可不經人手處理屍骸，亁手淨腳。」
網友教路對付小強