【本報訊】香港以南、銀洲島對開海面昨晨發生罕見工業意外，一名女漁民在一艘蝦艇上操作俗稱「攪纜波」的機械滾筒拖起海中魚網時，身上的雨衣不慎捲入滾筒內，滾動力即時將她身體扯起打轉並且倒地，導致左手脫骱，頭部受傷，幸家人及時發覺，關掉攪纜波。大埔漁民聯誼會理事長梁廣容指出，攪纜波力度猛烈，過去曾發生過奪命意外，操作時需非常小心。記者：胡恩宏
昨日清晨起，銀洲島對開海域一帶持續天氣惡劣，肇事蝦艇上一家漁民早上起已穿着雨衣作業，至中午約12時準備收網回航，豈料發生意外。據悉，當時52歲姓黃女漁民正操作一部攪纜波，將海中的魚網拖回船艙，其間黃所穿雨衣不慎被滾筒捲住，她瞬即被猛力拉倒，幸其兒子及時發現，隨即關機，然後報警，同時將船駛至香港仔水警基地，由在岸上等候的救護車送院。女傷者事後證實左手脫骱，額頭及手腳都有傷痕，由律敦治醫院轉送瑪麗醫院接受手術。
攪纜波收網拉力猛
「蝦艇專係撈捕低層海產，除咗蝦蟹外，仲有東風螺。」大埔漁民聯誼會理事長梁廣容指出，蝦艇撒網會沉至海床，收網時需攪纜波協助。「啲魚網落咗水好重㗎，人力拖唔到，要用攪纜波拖番上嚟。」發生意外的蝦艇長約20米，船艙左右舷各有一部攪纜波。
「開住攪纜波收網嗰陣，最好同時有兩個船員睇住，因為收纜嗰陣，都要船員幫手，例如個網收得唔正，你要扶番正去，等佢捲起個網捲得整齊啲。」
不過梁廣容續稱，攪纜波滾動時的拉力猛烈，操作時需非常小心。「搞嗰陣最怕啲衫捲埋入去，如果着雨褸就應該扣好，以前就試過有人捲咗啲衫入去，結果搞出人命。」他形容今次事主脫骱「已經好好彩」。