好多人對寵物當正子女般看待，照顧晒起居生活，當同多個貓主閒聊時，發覺佢哋會為愛貓睇相配八字，睇睇自己與貓貓是否相夾！究竟係咪有根有據呢？我哋找來兩隻貓及主人來個初體驗，大家先收起大家對各種對貓貓的特別喜好，如品種、毛色及樣貌等，改用貓貓與生俱來的長相及八字，用玄學角度睇出性格。
記者：蔡蔚心
攝影：譚盈傑
憑樣知屬性
顏瑞麟師傅是利用五行及八字為動物算命的堪輿學大師，憑動物的種類及樣貌，即可分辨出動物的五行。根據動物的出生年月日，更加可以為牠們開命盤，算一算牠與主人的緣份，挺有趣。我哋就邀請咗兩隻英國短毛貓娃娃、Boone，來一次睇相初體驗。
圓面夠機警
娃娃的主人屬金，五行欠水，土重。而娃娃面圓屬水，剛好補咗主人欠水的缺點，加上兩者八字相配，主人非常開心！不過主人忌土，黑、灰及紫色會有利，黃泥啡色唔係咁好，但Boone的毛色屬黃啡，咁點算呀！
千萬不要因為唔夾就遺棄小貓，師傅說可以改名、替貓貓佩戴適合的飾物，或增加飼養數目來化解的。你亦不會因為與家人有些唔夾，就趕佢出街吧！養寵物是一生一世的事。
法令清晰喜扮大佬
Boone係一隻英國短毛貓，屬虎科，面圓圓夠精靈！師傅話佢最特別係法令顯而易見，性格較霸道！
Boone的法令明顯，會惡啲。加上貓鬚向外散開，是隻有權威愛扮威的貓。甚麼是法令？即是鼻翼兩邊，好似戴咗個頭盔！
睇相知貓性格
睇完相算完命，不如等師傅提供一些小知識給大家，讓你更加瞭解你的貓兒！
三角形臉重義氣：
下巴尖、面頰凹。面尖屬火，較惡，不怕事，重義氣，有性格。
圓臉精靈：
生性精靈，感情豐富。開朗善解人意，有智慧，有動力。
扁鼻細膽怕事：
要求低較隨和，順從性大，冇主見，較易融入家庭。鬥心弱細膽怕事。
大耳仔夠大膽：
唔怕事，大耳得來豎起的貓思想較快。
摺耳懂看形勢：
摺耳貓懂得看形勢行事，較內向，不好動，不好鬥。
剪耳難遇貴人：
貓貓剪耳會破壞遇貴人的機會！
嘴尖貪吃！
花紋清晰有規律：
有清晰可見的花紋，較有規律及按部就班。紋少或淨色的思想清純。紋雜亂的則脾氣較大，愛行個人主意。
麒麟水晶玄學會（26397908）
地址：尖沙嘴東部麼地道67號半島中心商場地下G47舖
收費：$800起（除貓貓外，其他動物如馬、兔、狗、龜及蜥蜴都有得睇相。）