現時有不少女士都會用盡所有方法，希望換來白晢的皮膚，有些會選擇使用昂貴的護膚品，有些會去美容中心做皮膚護理，不過張美妮卻不需如此，只因她天生白滑肌膚。
皮膚白滑慳到錢
張美妮指這身白晢膚色是遺傳自母親，她還笑說：「好多朋友見我咁白、皮膚咁靚都以為我係外省人，其實我真係多得媽咪遺傳咗一身白白淨嘅皮膚畀我，真係買護膚品嘅錢都慳番唔少！」
此外，美妮的母親自小煲木瓜湯或木瓜鮮奶給她喝，雖有指木瓜豐胸，但美妮笑言木瓜在其身上卻起不到任何作用，她說：「我自細都已經食好多木瓜㗎啦，而且媽咪嘅身材都唔差，但呢樣嘢就只係遺傳畀妹妹，我就完全受惠唔到，所以我相信木瓜係冇豐胸作用嘅！」
採訪：李珮洳
攝影：陳偉權
服飾提供：XGame