10年來，除失去了休息時間，陳日君樞機還遺失過眼鏡一副、歐羅一萬元正、手機一部，可以遺失的幾乎都遺失過，於是他自創了獨門尋失物秘方──「等佢自己走返出嚟」，其中一樣要他退休那天才會「走返出嚟」的，應該是「樞機廚房」。
「每日得嗰24小時，𠵱家忙得好犀利，好多嘢係必須做嘅，又有啲係我鍾意做嘅。以前冇咁多訪問嘅，香港社會都唔能夠避免，有啲嘢可以講就講囉，畀人少啲誤會。」
拿手五香肉德國豬手
「好眼瞓呀，越嚟越眼瞓，坐車、坐船、坐飛機都即刻瞓得着覺。𠵱家唔揸車喇，好多嘢做、好多會開，朝早七點鐘就望彌撒，好驚坐喺人哋面前聽嘢瞓咗，好失禮，好彩大家體諒。」
太「眼瞓」，人就自然失魂。這幾年來，樞機丟失過眼鏡、手機，最「得人驚」是被人偷去一萬元歐羅，這筆錢原本是意大利一個機構送給他的人權獎獎金，他把鈔票全放到行李箱，預備帶回香港用來支援第三世界國家的青年參加教會活動，結果被人偷去。
由於時間有限，他自創了獨門方法尋找失物──「等待」，「我唔會搵佢㗎，佢自己會自自然然出返嚟㗎啦。」
從前不忙的時候，樞機喜歡下廚煮幾味，現在連這個廚房都遺失了。平日聖堂請吃飯，恭恭敬敬的教友爭相與他拍照呀、握手呀，好像見了偶像一樣，樞機一個人吃不飽，就回宿舍煮公仔麵。
出生上海、成長於意大利的樞機，最拿手的三道菜是五香肉、德國豬手及意大利粉。談到這三寶，他就會洋洋得意：煮五香肉，要切得方方正正，要落滷水、冰糖和烈酒……真正的意大利粉，甚麼都不用下，最重要番茄和辣椒，再加一個菜湯，一餐就完美了。
「不過𠵱家冇時間，乜都食啦。」
真夠反高潮。
更反高潮的是，主教知道了一件事──「肥好危險呀，血壓、血糖都係邊緣，就嚟超過，要戒口。」
忙的惡果，除了不能下廚，還有再沒機會行山了，「以前都有行山嘅，𠵱家淨係耐不耐睇波囉，一個禮拜一次，不過睇親都好唔安樂。」